කොළඹ LNW:ජාත්‍යන්තරව පිළිගත් වෛද්‍ය උපාධි පාඨමාලා ශ්‍රී ලංකාව තුළ පිළිගැනීම සඳහා වන ප්‍රමිතීන් හා නිර්ණායක ඇතුළත් ජාතික ප්‍රතිපත්තියක් සකස් කිරීම වෙනුවෙන් වෛද්‍ය ආඥා පනතේ විධිවිධාන සකස් කිරීමට අදාළ කැබිනට් අනුමැතිය හිමිව තිබේ.
එම නිර්දේශ ඉදිරිපත්කිරීමට අග්‍රාමාත්‍ය ලේකම්වරයාගේ ප්‍රධානත්වයෙන් පත්කරන ලද කමිටුව ඉදිරිපත් කරන ලද නිර්දේශ ක්‍රියාත්මක කිරීම සඳහා පසුගිය ඔක්තෝම්බර් 09 වැනි දින පැවති අමාත්‍ය මණ්ඩල රැස්වීමේදී අනුමැතිය පළව තිබුණි.
ඒ අනුව වෛද්‍ය ආඥා පනත සංශෝධනය සඳහා නීති කෙටුම්පත් සම්පාදක විසින් කරනු ලැබ ඇති පනත කෙටුම්පතට නීතිපතිගේ නිෂ්කාශන ලැබී තිබේ.
එම කෙටුම්පත් රජයේ ගැසට් පත්‍රයේ පළකිරීමටත් අනතුරුව අනුමැතිය සඳහා පාර්ලිමේන්තුවට ඉදිරිපත් කිරීමටත් සෞඛ්‍ය අමාත්‍යවරයා විසින් කරන ලද යෝජනාවටයි එලෙස අනුමැතිය ලැබී ඇත්තේ.
ASK
