දින ගණනාවක් තිස්සේ ගෑස් පෝලිමේ සිටියද ගෑස් නොලැබීම නිසා අද (07) බත්තරමුල්ල පැලවත්ත මංසන්ධියේ උණුසුම් තත්ත්වයක් ඇති විය.
ගෑස් මිලදී ගැනීමට පැමිණ සිටි ජනතාව විසින් ගෑස් ටැංකි වලින් මාර්ගය හරස් කරමින් විරෝධතාවේ නිරත වුණේ කඩිනමින් ගෑස් කටයුතු කරන ලෙස බලකරමිනි.
මේ හේතුවෙන් ප්‍රධාන මාර්ගයේ ගමනාගමන කටයුතුවලට දැඩි බාධාවක් එල්ල වූ අතර තත්ත්වය සමනය කරගැනීමට තලංගම පොලිස් ස්ථානාධිපතිවරයාටම ඊට මැදිහත් වීමට සිදු විය.
දැනට ටෝකන් ලබා දී ඇති 200ක පිරිසකට තමන් කෙසේ හෝ ගෑස් ගෙන්වා ගෙන ලබා දෙන බවට එහිදී පොලිස් ස්ථානාධිපතිවරයා පොරොන්දු වූ අතර මාර්ගය හරස් නොකර විරෝධතාවේ නිරත වන ලෙසයි ඔහු ජනතාවගෙන් ඉල්ලා සිටියේ.
ASK
