සටහන – රෂිකා හෙන්නායක
මැයි 08, කොළඹ (LNW): ඊයේ රාත්‍රීයේදී ඒකල කර්මාන්ත පුරයට ආසන්නයේ පිහිටි ඇඟලුම් කර්මාන්ත ශාලාවක ඇති වු ගින්නකින් එම කර්මාන්ත ශාලාවට දැඩි අලාභ හානි සිදුව තිබෙන බව වාර්තා වේ.
ගින්න හටගැනීමත් සමඟ කර්මාන්ත ශාලාවේ සිටි සේවකයින් ඉවත් කිරීමට කඩිනමින් පියවර ගැනීම හේතුවෙන් ජිවිත හානි වළක්වා ගැනීමට හැකිවී ඇති බව සඳහන් වේ. ගම්පහ ,කොළඹ ,මීගමුව ගුවන් හමුදා ගිනිනිවීම් ඒකක මගින් ගින්න නිවා දැමීමට උත්සාහ කර ඇති බව පැවසේ.
ඒ හේතුවෙන් කර්මාන්ත ශාලාව ආසන්නයේ තිබු අනෙක් කර්මාන්ත ශාලාවලට ගින්න පැතිර යාම වළක්වා ගැනීමට හැකි වි තිබෙන අතර, ගින්නට හේතුව මෙතෙක් අනාවරණය වී නැත. පාලන අධිකාරිය ප්‍රකාශ කළේ, ගින්නෙන් සිදුව ඇති හානිය රුපියල් බිලියන ගණනක් විය හැකි බවයි.
