සටහන – රෂිකා හෙන්නායක
මැයි 08, කොළඹ (LNW):අද (08) දින සංචාරක රාජ්‍ය ඇමතිනී ඩයනා ගමගේ මහත්මියගේ පාර්ලිමේන්තු මන්ත්‍රීධූරය අහිමිවීම පිළිබඳව සමගි ජනබලවේගයේ පාර්ලිමේන්තු මන්ත්‍රී නලීන් බණ්ඩාර මහතා පාර්ලිමේන්තුවේ දී අදහස් පළකර ඇති බව වාර්තා වේ.
ශ්‍රේෂ්ඨාධිකරණය ලබාදුන් එම තීන්දුවට තමන් ගරුකරන බව ඒ මහතා කියා සිටියේය,
මන්ත්‍රීවරයා වැඩිදුරටත් කියා සිටියේ,
“ගරු කථානායකතුමනි, ඔබතුමාට සහ පාර්ලිමේන්තුවට වැදගත් දෙයක් මේක. විශේෂයෙන්ම අධිකරණය අද වැදගත් තීන්දුවක් ලබාදීලා තියනවා. ඒක තමයි පුරවැසිභාවය පිළිබඳ තිබු නඩුවකදී පාර්ලිමේන්තුව නියෝජනය කළ මන්ත්‍රීනි ඩයනා ගමගේ මහත්මිය අද ඉදලා පාර්ලිමේන්තු මන්ත්‍රීවරියක් නෙමෙයි. අපි ගරු කරනවා අධිකරණයට. ඒ වගේම මේ පාර්ලිමේන්තුවට විශාල නිදහසක් ලැබුණා කියලාත් කතානායකතුමාටත් විශාල නිදහසක් ලැබුණා කියලත් මතක් කරනවා.”
ලෙස හෙතෙම කියා සිටියේය.
