සටහන – රෂිකා හෙන්නායක
මැයි 09, කොළඹ (LNW): යාපනය ප්රදේශයේ අධික රස්නයත් සමග ඇති වූ සංකූලතා නිසා පුද්ගලයින් 4 දෙනෙකු ජීවිතක්ෂයට පත් වී ඇති බව යාපනය රෝහලේ විශේෂඥ වෛද්ය පී.නන්දරාජා පැවසීය .
පසුගිය දින කිහිපයේ යාපනය දිස්ත්රක්කයේ ඇතැම් ප්රදේශවල උෂ්ණත්වය සෙල්සියස් අංශක 40 දක්වා ඉහළ ගොස් තිබුණු බව වාර්තා විය.
ඒ මහතා සඳහන් කළේ, ඔවුන් 4 දෙනාම යාපනය ශික්ෂණ රෝහලේ ප්රතිකාර ලබමින් සිටියදී ජීවිතක්ෂයට පත්වූ බවයි.
මියගිය හතරදෙනාම වැඩිහිටියන් වන අතර තවත් වැඩිහිටි පුද්ගලයෙක් දැඩි සත්කාරක ඒකකයේ ප්රතිකාර ලබන බව වැඩිදුරටත් වෛද්යවරයා පවසයි.
