කොළඹ LNW:කොළඹ මහ නගර සභාවේ බලය පිහිටුවීමට සමඟි ජන බලවේගයට සහය නොදෙන බව ප්‍රජාතන්ත්‍රවාදී ජාතික සන්ධානය පවසයි.
සමඟි ජන බලවේගය කළ යුත්තේ ඔවුන්ට ලැබුණු ජන වරමට ගරු කිරීම මිස ඔවුන්ට මහ නගර සභාවේ බලය පිහිටුවීමට ජන වරමක් ලැබී නැති බවයි එම සන්ධානය පවසන්නේ.
මේ වන විට ඔවුන් විපක්ෂයේ සෙසු කණ්ඩායම් සමඟ එක්ව කොළඹ මහ නගර සභාවේ බලය පිහිටුවීමට උත්සහ කළද මැතිවරණ ප්‍රචාරක සමයේදී එලෙස එකතුවීමක් ගැන ප්‍රකාශ නොකළ අතර එසේ පැවසුවා නම් ලැබුණු ජන්ද ටිකද නොලැබෙන බව ප්‍රජාතන්ත්‍රවාදී ජාතික සන්ධානය කියාසිටියි.
ප්‍රජාතන්ත්‍රවාදී ලෙස ආණ්ඩුවට බහුතර මන්ත්‍රී සංඛ්‍යාවක් ලැබී ඇති හෙයින් ඔවුන්ට සභාව පිහිටුවීමට ඉඩ දී පසුව නගර සභාව තුළ කෙරෙන කටයුතුවල හො, නරක විවේචනය කරන ලෙස සමඟි ජන බලවේගයට පවසන බවද එම සන්ධානය පවසයි.
කොළඹ මහ නගර සභාවේ බලය පිහිටුවීම වෙනුවෙන් ස්වාධීන කණ්ඩායම් සමඟ ආණ්ඩුව ඩීල් කරන බවට පාර්ලිමේන්තුව තුළ සමඟි ජන බලවේගයේ මන්ත්‍රීවරු පවසා තිබෙන අතර හැකි නම් එම කතාව පාර්ලිමේන්තුවෙන් පිටතට පැමිණ පවසන ලෙස ද ප්‍රජාතන්ත්‍රවාදී ජාතික සන්ධානය සඳහන් කරයි.
ආශිකා බ්‍රාහ්මණ
