රෂිකා හෙන්නායක
මැයි 15 ට පෙර යුද ගැටුම් සම්බන්ධයෙන් යුක්‍රේනය සමග සෘජු සාකච්ඡා ආරම්භ කිරීමට තමන් සූදානම් බව රූපවාහිනි සාකච්ඡාවකට එක්වෙමින්, රුසියානු ජනාධිපති ව්ලැද්මියර් පුටින් පවසයි.
පූර්ව කොන්දේසියකින් තොරව සෘජු සාකච්ඡා නැවත ආරම්භ කිරීමට තමන් සූදානම් බව, එහිදි ඔහු සඳහන් කළ අතර, ගැටුම් සඳහා හේතු වූ සාධක ඉවත් කර, කල් පවතින ශක්තිමත් සාමයක් කරා ගමන් කිරීමට අවශ්‍ය පියවර ගැනීමට ද සූදානම් බව ද එම සාකච්ඡාවේදී ඔහු ප්‍රකාශ කර තිබේ.
බ්‍රිතාන්‍ය අගමැති කීර් ස්ටාර්මර් සහ ප්‍රංශ ජනාධිපති එමානුවෙල් මැක්‍රොන් ඇතුළු යුරෝපීය නායකයින් යුක්රේනයේ කොන්දේසි විරහිත දින 30 ක සටන් විරාමයකට එකඟ වන ලෙස රුසියාවෙන් ඉල්ලා පැය කිහිපයකට පසු එම යෝජනාව රුසියානු ජනාධිපතිවරයා ඉදිරිපත් කර ඇතැයිද සඳහන් වේ.
