මේ සුවිසල් අනතුරින් පස්සේ ලංකාවේ අශෝක් ලේලන්ඩ් සමාගම බලයිද කොහොමද මේ අනතුර වුණේ කියල. රථයේ මොන අඩුපාඩු නිසාද මෙවන් විපතක් උනේ කියල. අපි කියමු රියදුරුට නින්ද ගියා කියල. ඒත් අනතුරකින් ජීවිත රැකෙන විදියට මොනවද මේ බස් එකේ තිබ්බ විශේෂ නිරාපදා ක්‍රියාමාර්ග (safety measures)?
එහෙම අනතුරකින් පස්සේ ඔය BMW වගේ සමගම් තමන්ගේ වාහන ආපසු ගෙන්වා ගන්නවා මම අහල තියනවා. නැවත ඒ වැරදි නිවැරදි කිරීමකින් තොරව ඒ වාහන ධාවනයට යොදන්න දෙන්නේ නැහැ. නමුත් අපි හෙටත් නගින්නේ වැහි වරුසාවට තියන ලේලන්ඩ් වලම තමයි.
කොහොමත් යුරෝපීය වාහන කියන්නේ ධාවන වියදම වැඩි උනත් ආරක්ෂාව ප්‍රමුඛ වෙච්ච වාහන. අපිට ඒ බස් ගෙන්න ගන්න සල්ලි නැහැ තමයි.
ලොරි චැසි වලට බස් බොඩි ගැහුව පොදු ප්‍රවාහනය නතර කරනවා කියල තමයි මේ ආණ්ඩුව මිනිස්සුන්ගේ චන්දෙ ගත්තේ. දැන් බස් එකේ ගිය අම්මල පොලොව බදාගෙන වැළපෙනවා. ඒ හොරු නැති ලෝකෙක.
මහේෂ් හපුගොඩ
