සටහන – රෂිකා හෙන්නායක
කොළඹ (LNW): යල කන්නයට පොහොර මිලදී ගැනීම සඳහා අවශ්ය මුදල් කූපන් එකක් වශයෙන් ගොවීන්ට ලබා දීමට තීරණය කර ඇති බව කෘෂිකර්ම අමාත්යාංශය පවසයි. හෙක්ටයාරයකට රුපියල් 20,000 ක මුදලක් ලබාදෙන බව එහි ලේකම් ගුණදාස සමරසිංහ මහතා පැවසීය .
කෘෂිකර්ම අමාත්යාංශය මීට පෙර තීරණය කර තිබුණේ, පොහොර මිලදී ගැනීම සඳහා අවශ්ය මුදල් ගොවීන්ගේ බැංකු ගිණුම්වලට බැර කිරීමට නමුත් , ගිණුම්වල පවතින ගැටලු කිහිපයක් නිසා කූපන් ලබා දීමට තීරණය කර ඇත.
අමාත්යාංශ ලේකම් ගුණදාස සමරසිංහ මහතා වැඩිදුරටත් පැවසුවේ, මේ වනවිට කූපන් මුද්රණයට ලබා දී ඇති බවත් , මුද්රණ කටයුතු සිදු කිරීමට සතියක් පමණ ගත වන බවත් ඉන් පසුව බෙදා හැරීම ආරම්භ කරන බවත්ය .
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??
