රෂිකා හෙන්නායක මැයි 12 ,ලෝකය (අවුට්බවුන්ඩ් ටුඩේ):
එක්සත් ජනපද රජය සිය හදිසි තෙල් සංචිතයෙන් බැරල් මිලියන 53.3ක් වෙළඳපොළට මුදා හැරීමට පියවර ගෙන ඇත්තේ ඉහළ යන ඉන්ධන මිල පාලනය කිරීමේ අරමුණිනි.
ජාත්‍යන්තර බලශක්ති ඒජන්සිය සමඟ ඇති කරගත් එකඟතාවයකට අනුව මෙම තීරණය ගෙන ඇති අතර, මේ යටතේ පෞද්ගලික සමාගම් නවයකට තෙල් ලබා දීමට ගිවිසුම්ගත වී ඇත.
ඉරානය සහ ඊශ්‍රායලය අතර පවතින යුදමය වාතාවරණය සහ හෝමුස් සමුද්‍ර සන්ධිය අවහිර වීම හේතුවෙන් ගෝලීය තෙල් සැපයුමට දැඩි බාධා එල්ල වී තිබේ.
පාරිභෝගික පීඩනය අවම කිරීම සඳහා ජනාධිපති ට්‍රම්ප් විසින් ෆෙඩරල් ඉන්ධන බද්ද අත්හිටුවීමට ද යෝජනා කර ඇති බව මෙම සඳහන් වේ. මෙම ක්‍රියාවලිය හරහා කෙටි කාලීන බලශක්ති අවශ්‍යතා සපුරාලීමටත්, අනාගතයේදී නැවත එම සංචිත පිරවීමටත් රජය අපේක්ෂා කරයි.
