සාම්ප්‍රදායික පාර්ලිමේන්තු දේශපාලනයෙන් ඔබ්බට ගිය නිර්පාක්ෂික ආණ්ඩුවක් පිහිටුවීම සඳහා එක්වන ලෙස අග්‍රාමාත්‍ය රනිල් වික්‍රමසිංහ මහතා කළ ලිඛිත ආරාධනයට විපක්ෂ නායක සජිත් ප්‍රේමදාස මහතා පිළිතුරු ලිපියක් යොමුකර තිබේ.
ජනතාව ඉල්ලා සිටින්නේ රාජපක්ෂවරුන් නොමැති පාලනයක් බැවින් ඒ සම්බන්ධයෙන් තම පක්ෂයෙහි ස්ථාවරයේ කිසිදු වෙනසක් නොමැති බවයි විපක්ෂ නායකවරයා එහි සඳහන් කර ඇත්තේ.
එසේවෙතත් ජනතාව මුහුණ දෙන ආර්ථික ගැටළු විසඳීම සඳහා ආණ්ඩුව ගනු ලබන නිවැරදි තීරණවලට වගකිවයුතු විපක්ෂයක් ලෙස සහයෝගය ලබාදීමට සූදානම් බවත් විපක්ෂ නායකවරයා සිය ලිපියෙන් දැනුම් දී ඇත.
RN
