මැයි මස 18 වැනිදා ත්‍රස්ත ප්‍රහාරයක් සිදුවිය හැකි බවට ඉන්දියාවේ ‘ද හින්දු’ පුවත්පත අනාවරණය කර තිබිණි. ඉන්දීය ඔත්තු සේවා උපුටා දක්වමින් හින්දු පුවත්පත මෙම අනාවරණය සිදු කළේය.
ආරක්ෂක අමාත්‍යංශය නිවේදනයක් නිකුත් කරමින් පවසන්නේ ඉන්දීය බුද්ධි අංශ මගින් මේ පිළිබඳව කරුණු විමසා ඇති බවයි. ප්‍රහාරය පිළිබඳ පුවත සාමාන්‍ය තොරතුරක් බව ඉන්දීය බුද්ධි අංශ දන්වා ඇති අතර කෙසේ නමුත් ඒ පිළිබඳව විමර්ශනයක් සිදු කරන බවද ඔවුන් මෙරට බළධාරීන් වෙත දැනුම් දී තිබෙනවා.
ආරක්ෂක අමාත්‍යංශය වැඩිදුරටත් අවධාරණය කරන්නේ බුද්ධි අංශ සහ ආරක්ෂක අංශ වෙත ලැබෙන කුමන හෝ තොරතුරක් පිළිබඳව නිසි විමර්ශන සිදුකර ආරක්ෂාව තර කිරීමට කටයුතු කරන බවයි. මැයි 18 වැනිදා ත්‍රස්ත ප්‍රහාරයක් එල්ල විය හැකි බවට හින්දු පුවත්පත සිදු කරන අනාවරණය සම්බන්ධයෙන්ද විමසිල්ලෙන් පසුවන බවත් විමර්ශන සිදු කරන බවත් අදාල නිවේදනයේ වැඩිදුරටත් සඳහන් වේ.
UN
