සටහන – රෂිකා හෙන්නායක
කොළඹ (LNW): ශ්‍රී ලංකාවේ ආර්ථික වර්ධනය ගැන ජාත්‍යන්තර මූල්‍ය අරමුදල අද පුරෝකථනයක් සිදුකළ අතර , ඔවුන් පැවසුවේ 2023 වසරේ ශ්‍රී ලංකා ආර්ථිකය 3%කින් පමණ සංකෝචනය විය හැකි වනු ඇති බවයි .
නමුත් ජාත්‍යන්තර මූල්‍ය අරමුදලේ ආසියා-පැසිෆික් දෙපාර්තමේන්තුවේ අධ්‍යක්ෂ ක්‍රිෂ්ණා ශ්‍රීනිවාසන් පැවසූවේ , 2024 වසරේදී ශ්‍රී ලංකා ආර්ථිකය සියයට 1.5කින් පමණ වර්ධනය විය හැකි බවයි . ඔහු මේ බව පැවසුවේ IMF නියෝජිතයින් එක්ව අද කොළඹදී පැවැත්වූ විශේෂ මාධ්‍ය හමුවකදීය.
ක්‍රිෂ්ණා ශ්‍රීනිවාසන් මහතා තවදුරටත් පැවසුවේ ශ්‍රී ලංකාවේ ණය ප්‍රතිව්‍යුහගතකරන ක්‍රියාවලිය සැප්තැම්බර් මාසය වනවිට සම්පූර්ණ කළ හැකි බවයි . ශ්‍රී ලංකාවට ලබාදුන් ජාත්‍යන්තර මූල්‍ය අරමුදලේ විස්තීරණ ණය පහසුකමේ පළමු සමාලෝචනයද සැප්තැම්බර් මාසයේදී පැවැත්වෙයි.
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??
