සටහන – රෂිකා හෙන්නායක
මැයි 16, කොළඹ (LNW): ශ්‍රී ලංකාව හා මියන්මාරය අතර වෙළඳ, ආර්ථික මෙන්ම බෞද්ධ සබඳතා වර්ධනය කර ගැනීමේ දැඩි අවශ්‍යතාවක් පවතින බව අග්‍රාමාත්‍ය දිනේෂ් ගුණවර්ධන මහතා පවසයි.ඒ මියන්මාර වැඩබලන තානාපති ලෙයි යි වින් අද හමුවු අවස්ථාවේදීය.
සංචාරක ව්‍යාපාරය වැනි ක්ෂේත්‍ර රැසක ආර්ථික හා වෙළද සබදතා ශක්තිමත් කළ හැකි බව අග්‍රාමාත්‍යවරයා වැඩිදුරටත් පෙන්වා දුන් අතර, මැණික් හා ස්වර්ණාභරණ, තේ සහ පොල් වෙළෙඳාම, ඛනිජ ද්‍රව්‍ය, බෞද්ධ සංචාරක ව්‍යාපාරය කෙරෙහි විශේෂ අවධානයක් යොමු කරමින් සංචාරක ව්‍යාපාරය වැනි ක්ෂේත්‍ර රැසක ආර්ථික හා වෙළෙඳ සබඳතා ශක්තිමත් කළ හැකි බව එහිදී අග්‍රාමාත්‍යවරයා පෙන්වා දුන්නේය.
මෙහිදී අග්‍රාමාත්‍යවරයා මෙරට තේ වෙනුවට මියන්මාරයේ පොල් හුවමාරු කළ හැකි බව ද සඳහන් කළ අතර, ආනයනය අපනයන සහ ආර්ථික සහයෝගීතාවේ අවශ්‍යතාව ගවේෂණය කිරීම සදහා මියන්මාරයේ යැංගුන් හි පැවැත්වෙන වෙළද ප්‍රදර්ශනයට ද ශ්‍රී ලංකාවට ආරාධනය කරන බව, මියන්මාරයේ වැඩබලන තානාපති ලෙයි යි වින් පවසා ඇත.
