සටහන – රෂිකා හෙන්නායක
මැයි 17, කොළඹ (LNW): සංචාරක අමාත්යාංශය මගින්, හිටපු සංචාරක රාජ්ය ඇමැතිනි ඩයනා ගමගේ භාවිතා කරන අමාත්යංශය සතු වාහන හතරක් වහාම භාර දෙන ලෙස දැනුම් දී ඇතත් ඊයේ (16) වනතුරුත් එය භාරදී නොමැති බව පැවසේ.
පසුගිය අටවෙනිදා මෙම වාහන හතර අමාත්යංශය වෙත භාර දෙන ලෙසට දැනුම් දී ඇතත් එය සිදු වී නොඇති බව වාර්තා වේ,
ඩිස්කවරි වර්ගයේ ජීප් රථයක්, ඩබල් කැබ් රථයක්, ප්රාඩෝ ජීප් රථයක් හා නිසාන් වර්ගයේ කාර් රථයක් එම භාරනොදුන් වාහන අතර වන බව සඳහන් වේ. මේ අතරින් ඩබල් කැබ් රථය රිය අනතුරක් හේතුවෙන් කුරුණෑගල පොලිසියේ අත්අඩංගුවේ ඇති බව තොරතුරු අණාවරණය වී ඇත.
