පවතින දේශපාලන අර්බුදය හමුවේ නව අග්‍රාමාත්‍යවරයෙකු පත්වීමෙන් අනතුරුව පළමු වරට අද (17) පාර්ලිමේන්තුව රැස්වීමට නියමිත ය.
පාර්ලිමේන්තු මන්ත්‍රීවරුන්ගේ ආසන පැනවීමෙහි වෙනසක් ද අද දිනයේදී සිදු කෙරෙනු ඇති අතර මෙතෙක් විපක්ෂයේ සිටි රනිල් වික්‍රමසිංහ මහතා අද ශ්‍රී ලංකා පොදුජන පෙරමුණේ මන්ත්‍රීවරුන් සමග ආණ්ඩු පක්ෂයෙහි අග්‍රාමාත්‍යවරයාට හිමි ආසනයේ අසුන් ගනු ඇති.
හිටපු අග්‍රාමාත්‍ය මහින්ද රාජපක්ෂ මහතාට ද ආණ්ඩු පක්ෂයෙහි ඉදිරිපෙළ ආසනයක් වෙන් කෙරෙනු ඇති බව සඳහන්.
මේ අතර පාර්ලිමේන්තු කටයුතු පිළිබඳ කාරක සභාවේ විශේෂ රැස්වීමක් ද අද පෙරවරු 08.30 ට කැඳවා තිබේ.
RN
