තිරිඟු පිටි කිලෝග්රෑම් එකක මිල යළිත් රුපියල් 35කින් ඉහළ දැමීමට මෙරටට තිරිඟු පිටි ආනයනය කරන සමාගමක් කටයුතු කර ඇති බව සමස්ත ලංකා බේකරි හිමියන්ගේ සංගමය පවසයි.
මෙරටට තිරිඟු පිටි ගෙන්වන්නේ සමාගම් දෙකකින් පමණක් වන අතර එයින් එක් සමාගමක් ඊයේ (17) දිනයේදී මෙම මිල වැඩිකිරීම සිදුකර ඇති බවයි සමස්ත ලංකා බේකරි හිමියන්ගේ සභාපති එන්. කේ. ජයවර්ධන මහතා සඳහන් කළේ.
ඒ අනුව තිරිඟු පිටි කිලෝග්රෑම් 50 මිටියක තොග මිල මේ වනවිට රුපියල් 12,500ක් දක්වා මිල ඉහළ ගොස් ඇති අතර මීට ටික කලකට පෙර එය පැවතියේ රුපියල් 4000කට පහළින් බවත් සිහිපත් කළේය.
RN
