ශ්රේෂ්ඨාධිකරණ නියෝගයක් අනුව පාර්ලිමේන්තු මන්ත්රී ධුරයෙන් පහ කෙරුණු හිටපු රාජ්ය අමාත්ය ඩයනා ගමගේ මහත්මිය සම්බන්ධ ඉදිරි නීතිමය කටයුතු නීතිපතිවරයාගේ උපදෙස් ලැබීමෙන් අනතුරුව සිදුකිරීමට නියමිත බව අපරාධ පරීක්ෂණ දෙපාර්තමේන්තු ආරංචිමාර්ග පවසයි.
මේ පිළිබඳව මාධ්ය කළ විමසීමකදී පොලිස් මාධ්ය ප්රකාශකවරයා සඳහන් කළේ “අපරාධ පරීක්ෂණ දෙපාර්තමේන්තුව වෙත කැඳවා හිටපු රාජ්ය ඇමැතිවරියගෙන් ප්රකාශයක් සටහන් කර තිබෙනවා. එම ප්රකාශය සහ මෙම සිද්ධියට අදාළ විමර්ශනයේ උධෘත ගොනු නීතිපතිවරයා වෙත ඉදිරිපත් කර, ගතයුතු ඉදිරි නීතිමය ක්රියාමාර්ග පිළිබඳව උපදෙස් පතනවා. නීතිපතිවරයා ලබාදෙන උපදෙස් පරිදි ඩයනා ගමගේ පිළිබඳව අවශ්ය නීතිමය ක්රියාමාර්ග ගන්නවා” යනුවෙනි.
ශ්රේෂ්ඨාධිකරණය පසුගිය 08 වනදා ලබාදුන් නියෝගය අනුව ඩයනා ගමගේ මහත්මිය ආගමන විගමන පාලකවරයා වෙත අසත්ය තොරතුරු ඉදිරිපත් කර සිය බලය අයුතු ලෙස පරිහරණය කරමින් මෙරට විදේශ ගමන් බලපත්රයක් ලබාගෙන ඇති බ්රිතාන්ය ජාතික කාන්තාවක් බව පැහැදිලි වී ඇති අතර ඒ සම්බන්ධයෙන් සිදුකෙරෙන විමර්ශනයකට අදාළව ඒ මහත්මියට විදෙස් ගමන් තහනමක් පැනවීමට ද කොළඹ ප්රධාන මහේස්ත්රාත් තිලිණ ගමගේ මහතා පසුගිය 09 වනදා නියෝග කර තිබිණි.
ඒ අනුව යම් හෙයකින් ඩයනා ගමගේ මහත්මිය අත් අඩංගුවට ගනු ලැබුවහොත් ඇයව රඳවා තැබීමට සිදුවන්නේ විදේශිකයින් රඳවා තබන මිරිහාන රැඳවුම් කඳවුරේ බවයි නීති ක්ෂේත්රයේ ආරංචිමාර්ග ප්රකාශ කළේ.
RN
