සටහන: සශිකලා මධුෂාණි,මැයි 19,
ලෝකය(අවුට්බවුන්ඩ් ටුඩේ) : වසර 13ක නීතිමය සටන්වලින් සහ රඳවා තබා ගැනීම් වලින් අනතුරුව විකිලීක්ස් හි නිර්මාතෘ ඕස්ට්රේලියානු සංස්කාරක, ප්රකාශක සහ ක්රියාකාරිකයෙකු වන ජූලියන් අසාන්ජ් එක්සත් ජනපදයට පිටුවහල් කළ යුතුද යන්න පිළිබඳව තීරණය හෙට(20) දිනයේ බ්රිතාන්ය අධිකරණය ගනු ඇතැයි වාර්තා වේ.
විකිලීක්ස් විසින් ඇෆ්ගනිස්ථානයේ සහ ඉරාකයේ වොෂින්ටනයේ යුද්ධ පිළිබඳ රහසිගත එක්සත් ජනපද මිලිටරි ලේඛන සිය දහස් ගණනක් කඳු කරන ලද අතර එය එක්සත් ජනපද හමුදා ඉතිහාසයේ ඔවුන්ගේ ආකාරයේ විශාලතම ආරක්ෂක කඩකිරීම ලෙස සැලකේන අතර මෙම රහස් තොරතුරු කාන්දු කිරීමත් සමඟ බොහෝ දෙනෙකුගේ ජීවිත අහිමි විය.
එක්සත් ජනපද බලධාරීන්ට අවශ්ය වී ඇත්තේ ඕස්ට්රේලියාවේ උපන් අසාන්ජ් විකිලීක්ස් නොසැලකිලිමත් ලෙස ක්රියා කිරීම, ජාතික ආරක්ෂාවට හානි කිරීම, ඒජන්තයන්ගේ ජීවිත අනතුරේ දැමිම ආදී ඔත්තු බැලීමේ පනත යටතේ චෝදනා 18 කට අධික ප්රමාණයක් නඩු පැවරීමට ය.
විකිලීක්ස් රාජ්ය සහ ආයතනික රහස් හෙළිදරව් කිරීම, විනිවිදභාවය වැඩි කිරීම, මාධ්ය නිදහසට සහාය වීම සහ ප්රබල ආයතනවලට අභියෝග කරමින් ප්රජාතන්ත්රවාදී කතිකාවත වැඩි දියුණු කිරීම සඳහා සම්මාන දිනාගෙන පැසසුමට ලක්ව ඇති අතර ඔහුගේ බොහෝ ගෝලීය ආධාරකරුවන් නඩු පැවරීම විහිළුවක් ලෙසත්, මාධ්යවේදයට සහ භාෂණයේ නිදහසට පහර දීමක් ලෙසත්, අපහසුතාවයට පත් කිරීමක් ලෙසත් දක්වා තිබේ.
කෙසේ නමුත් මෙම නඩුව ඉවත් කරන ලෙස ඉල්ලීම් මානව හිමිකම් කණ්ඩායම් සහ සමහර මාධ්ය ආයතනවල සිට ඕස්ට්රේලියානු අගමැති ඇන්තනි ඇල්බනීස් සහ අනෙකුත් දේශපාලන නායකයින් දක්වා විහිදේ.
