කොළඹ LNW:පළාත් පාලන ආයතන බලය ඇල්ලීම වෙනුවෙන් එකඟතාවලට පැමිණීමට විපක්ෂයට හැකියාවක් නොමැති අතර මේ වන විට විපක්ෂය ඒ වෙනුවෙන් උත්සහ දැරුවද ඒවා සාර්ථක නොවන බව අද (20) කොළඹදී වැවිලි හා ප්‍රජා යටිතල පහසුකම් අමාත්‍ය සමන්ත විද්‍යාරත්න මහතා පැවසුවේය.
එම දීග හරියන දීග නොවන බවයි අමාත්‍යවරයා සඳහන් කළේ.
මේ වන විට වංචා දුෂණවලට එරෙහිව නීතිය ක්‍රියාත්මක වන පසුබිමක ඔවුන්ට සමඟි වීමට සිදුව ඇති බව අමාත්‍යවරයා කියා සිටියේය.
පළාත් පාලන මැතිවරණයේදීද ජනතාව ජන්දය දී ඇත්තේ විරුද්ධ පක්ෂ ප්‍රතික්ෂේප කරමින් වන බවත් මාලිමාවට බහුතර ජන්ද ලැබී ඇති බවත් ඔහු ප්‍රකාශ කළ අතර නොගැලපෙන කණ්ඩායම් එකතු වී රටේ ජනතාවට සාධාරණයක් කළ නොහැකි බවයි අමාත්‍යවරයා අවධාරණය කළේ.
ආශිකා බ්‍රාහ්මණ
