යුරෝපයේ රටවල් කිහිපයක ව්‍යාප්ත වෙමින් පවතින දුර්ලභ රෝගයක් සම්බන්ධයෙන් විද්‍යාඥයින් ගේ දැඩි අවදානය යොමු වී ඇති බව විදෙස් මාධ්‍ය වාර්තා කර සිටියි. Monkeypox නමින් හඳුන්වන මෙම රෝගය පළමු වරට 1970 වර්ෂයේදී මිනිසෙකුට ආසාදනය වූ බවට හඳුනා ගනු ලැබූ අතර එය අප්‍රිකානු මහද්වීපය ආශ්‍රිතව පළමු වරට හඳුනා ගනු ලැබුණි.
වදුරන් ගෙන් ව්‍යාප්තවන වෛරසයක් ඇසුරෙන් ඇතිවන රෝගයක් බවයි විද්‍යාඥයින් සඳහන් කරන්නේ.
මෙම රෝගයේ රෝග ලක්ෂණ ලෙස උණ, ඇඟපත වේදනාව, මුහුණ, අත් පා සහ යටිපතුල් වල ගැටී ඇතිවීම සිදුවන අතර, මෙම රෝගය ආසාදනය වූවන්ගෙන් මරණයට පත්වීමේ සම්භාවිතාව 10% ක අගයක් ගනු ලබයි.
යුරෝපයේ රෝගීන් 100කට වැඩි සංඛ්‍යාවක් තහවුරු වී හෝ සැක කිරීමෙන් පසු බටහිර සහ මධ්‍යම අප්‍රිකාවේ බහුලව දක්නට ලැබෙන වෛරස් ආසාදනයක් වන මන්කිපොක්ස් රෝගයේ මෑතකාලීන පැතිරීම ගැන සාකච්ඡා කිරීමට ලෝක සෞඛ්‍ය සංවිධානය හදිසි රැස්වීමක් කැඳවා ඇත. යුරෝපයේ මෙතෙක් සිදු වූ විශාලතම පැතිරයාම ලෙස ජර්මනිය විස්තර කළ දෙයෙහි, අවම වශයෙන් රටවල් 5ක, එනම් මහා බ්‍රිතාන්‍ය, ස්පාඤ්ඤය, පෘතුගාලය, ජර්මනිය සහ ඉතාලිය මෙන්ම එක්සත් ජනපදය, කැනඩාව සහ ඔස්ට්‍රේලියාව යන රටවලද රෝගීන් දැන් තහවුරු වී ඇත. මීට අමතරව මේ වනවිට නෙදර්ලන්තයෙන්ද රෝගීන් තහවුරු වී ඇත.
විද්‍යාඥයන් සඳහන් කරන්නේ මෙම වෛරසය වාතයෙන් මෙන්ම, ඛේට ශ්‍රාවයන් ගෙන් ද ව්‍යාපත් වීමේ හැකියාවක් ඇති බවයි.
කෙසේ වෙතත්, මෙම වෛරසය SARS-COV-2 තරම් පහසුවෙන් ව්‍යාප්ත නොවන බැවින්, එය කොවිඩ්-19 වැනි වසංගතයක් දක්වා පරිණාමය වනු ඇතැයි විද්‍යාඥයන් අපේක්ෂා නොකරයි.
