සටහන – රෂිකා හෙන්නායක
මැයි 22 ලෝකය (අවුට්බවුන්ඩ් ටුඩේ): අවශ්‍ය මානුෂීය ආධාර නිසි ආකාරයෙන් බෙදා හැරීමට අවස්ථාව නොලැබීම හේතුවෙන් ගාසා තීරයේ සාගත තත්ත්වයක් ඇති වීමේ අවදානම ඉහළ යමින් පවතින බව Asharq Al-Awsat මාධ්‍ය වාර්තා කරයි.
ගාසා තීරයේ උතුරු ප්‍රදේශයේ ජබාලියා සරණාගත කඳවුර හා රෝහල් ඉලක්ක කරගනිමින් ඊශ්‍රායලය ඊයේ (21)දිනයේද අඛණ්ඩ ප්‍රහාර මාලාවක් දියත් කර තිබිණ.
කාලතුවක්කු හා යුද ටැංකි යොදා ගනිමින් මෙම ප්‍රහාර මාලාව සිදු කර ඇති බව වාර්තා වේ.
තාවකාලිකව ඉදිකළ වරාය උපයෝගී කරගනිමින් ඇමෙරිකා හමුදාවේ මැදිහත්වීමෙන් රැගෙන ආ මානුෂීය ආධාර ටොන් 570 කට ආසන්න ප්‍රමාණය ගාසා වැසියන් වෙත ලබාදීමට මෙතෙක් හැකියාව ලැබී නැහැ.
ඊශ්‍රායලය අඛණ්ඩව ප්‍රහාර එල්ල කිරීම සිදු කළහොත් ගාසා තීරය තුළ ක්‍රියාත්මක මානුෂීය ක්‍රියාන්විතයන් අත්හිටුවීමට සිදු වන බව ලෝක ආහාර වැඩසටහන අනතුරු අඟවනවා.
