කැස්බෑව නගරෙය් පිහිටි ඉන්ධන පිරවුම්හල වෙත ඉන්ධන තොග නිකුත් කිරීම අත්හිටුවීමට විදුලිබල හා බලශක්ති අමාත්යංශය තීරණය කර තිබෙනවා.
පොල්ගස්ඕවිට ඉන්ධන පිරවුම්හල වෙත රැගෙන යමින් තිබූ ඉන්ධන බවුසරයක් කැස්බෑව ඉන්ධන පිරවුම්හල වෙත රැගෙන ගොස් එහි තිබූ ඉන්ධන ගොඩබෑමේ සිද්ධියක් පසුගිය දිනවලදී වාර්තා විය. මේ සම්බන්ධයෙන් සිදුකළ සොයා බැලීමකින් පසුව, කැස්බෑව පිරවුම්හල වෙත ඉන්ධන නිකුත් කිරීම තාවකාලිකව අත්හිටුවීමටයි තීරණය කර තිබෙන්නේ.
නැවත දැනුම් දෙනතුරු සිය පිරවුම්හලෙන් ඉන්ධන නිකුත් නොකරන බව කැස්බෑව ඉන්ධන පිරවුම්හලේ පාලනාධිකාරිය ප්රදර්ශනය කර තිබේ.
විෂය බාර අමාත්ය කංචන විජේසේකර මහතා පසුගියදා මාධ්ය හමුවකදී ප්රකාශ කළේ යම් ඉන්ධන පිරවුම්හලක් ආශ්රිතව කඩාකප්පල්කාරී සිදුවීමක් වාර්තා වුවහොත් අදාල පිරවුම්හල වෙත ඉන්ධන තොග නිකුත් කිරීම අත්හිටුවන බවයි.
UN
