රටට අවශ්‍ය ධනය උත්පාදනය කිරීම සඳහා සුදුසුම ක්‍රමය මානුෂීය ධනවාදය බවත් එසේ උත්පාදනය කරන ධනය සමාජ සාධාරණත්වය තුළ බෙදීයාම සඳහා සුදුසුම ක්‍රමය සමාජ ප්‍රජාතන්ත්‍රවාදය බවත් විපක්ෂ නායක සජිත් ප්‍රේමදාස මහතා පවසයි.
ඒ අනුව සමගි ජන බලවේගයෙහි ආර්ථික ප්‍රතිපත්තිය වන්නේ මේ දෙකෙහි සම්මිශ්‍රණයක් බවයි ඒ මහතා සඳහන් කළේ.
සමාජ වෙළඳපොල ආර්ථික න්‍යාය හරහා උපරිම සෘජු විදෙස් ආයෝජන ඇතුළු රටට ධනය ගලා එන මාර්ග උපරිම දිරිමත් කරන අතර එසේ කරන්නේ රටේ රැකියා බිහිවීම ඇතුළු සමාජ ආරක්ෂණය තහවුරු කිරීම සඳහා බවත් ඒ මහතා ප්‍රකාශ කළේය. ඒ ආකාරයෙන් බිහිවන රැකියා ජනතාව වහල්භාවයට පත්කරන රැකියා නොවිය යුතු අතර ව්‍යාපාරිකයින් උපයන ලාභය සමාජ සාධාරණත්වයක් සහිතව බෙදී යාමට සැලසිය යුතු බවත් ඒ මහතා පෙන්වා දුන්නේය.
විපක්ෂ නායක සජිත් ප්‍රේමදාස මහතා මේ බව පැවසුවේ වෘත්තීය සමිති නියෝජිතයින් පිරිසක් සමග පසුගියදා පැවති හමුවකදී ය.
RN
