බංගලාදේශය සමඟ පැවත්වෙන දෙවන ටෙස්ට් තරගයේ පන්දු රකිමින් සිටියදී පපුවේ ඇති වූ වේදනාකාරී තත්ත්වයක් නිසා කුසල් මෙණ්ඩිස් හෘදයාබාධයක් යැයි සැක කරමින් වෛද්‍ය ප්‍රතිකාර කරා රැගෙන ගියත් කණ්ඩායම් ආරංචි මාර්ග සඳහන් කරන්නේ එය මේ තරගයට ඔහුගේ දායකත්වය ලැබීමට බාධාවක් නොවනු ඇති බවයි.
බයවෙන්න දෙයක් නැහැ,කුසල් තරගයට සහභාගි වෙයි යනුවෙන් කණ්ඩායම් කළමණාකාරීත්වය පැත්තෙන් ලැබෙන සහතිකය තහවුරු කරමින් කුසල්ට සම්බන්ධ තවත් සමීප ආරංචි මාර්ගයකින් දැන ගන්නට ලැබුණේ එම වේදනාකාරී තත්ත්වය මතු වී ඇත්තේ ආමාශයික ආම්ලිකතාවය හේතු කොට ගෙන බවය.ඒ නිසා වෛද්‍ය උඵදෙස් අනුව කුසල් සිය දායකත්වය මේ තරගයේදී කණ්ඩායමට ලබා දීමට සූදානමින් සිටින බවද පැවසීය.
තරගයේ පළමු දිනයේ මුල් පන්දුවාර කිහිපයේදී ශ්‍රී ලංකාව බංගලාදේශය සම්පූර්ණයෙන්ම තමන් යටතට ගනිමින් ලකුණු 24 ට කඩුලු පහක් දවා ගත්තත් එතැන් පටන් හයවන කඩුල්ලට නොදැවුණු ලකුණු 253 ක් එක් කළ මුෂ්ෆිකර් රහීම් නොදැවී ලකුණු 115 ක් ද,ලිටෙන් දාස් නොදැවි ලකුණු 134 ක් ද ලබා නොදැවී සිටිති.පීඩනය ශ්‍රි ලංකාව දෙසට හැරෙමින් තිබෙන තත්ත්වයක පළමු තරගයේදී යම් ආකාරයක සාර්ථකත්වයක් පෙන්වමින් කුසල් මෙණ්ඩිස්ගේ පිතිකරණ දායකත්වය ශ්‍රී ලංකා කණ්ඩායමට වැදගත් වනු ඇත.
RM
