ශ්‍රී ලංකාවේ ආර්ථික ප්‍රකෘතිය රඳා පවතින්නේ ජාත්‍යන්තර ප්‍රජාවේ සහයෝගය මත බව ආර්ථික විශ්ලේෂකයන් පවසනවා . දැනට පවතින ආහාර, ඖෂධ, ඉන්ධන වැනි අත්‍යාවශ්‍ය ද්‍රව්‍ය හිඟයට ඉන්දියාවේ සහය ලබා දීම තුළින් ඒ බව ඔප්පු වී ඇත.
අග්‍රාමාත්‍ය රනිල් වික්‍රමසිංහ මහතා අන්තර්වාර පාලනයේ ප්‍රධානියා ලෙස පත් කිරීම සාදරයෙන් පිළිගන්නා ජාත්‍යන්තර ප්‍රජාව ඔහු කෙරෙහි ඇති විශ්වසනීයත්වය සහ සහයෝගය මේ වන විට පිලිඹුල් වෙමින් පවතිනවා .
නව පරිපාලනය විසින් ජාත්‍යන්තර සහයෝගය ලබා ගැනීමට උපකාර කළ හැකි ශ්‍රී ලංකාව තුළ සිටින අනෙකුත් ප්‍රධාන පුද්ගලයින්ගේ සහාය ලබාගෙන ඇති බව රජයේ ආරංචි මාර්ග දැනටමත් තහවුරු කර ඇත.
එ අතරින් හිටපු මහ බැංකු අධිපති ආචාර්ය ඉන්ද්‍රජිත් කුමාරස්වාමි එක් ගෞරවනීය පුද්ගලයෙකි.
IMF සමඟ සාකච්ඡා සඳහා රජයට සහාය වීම සඳහා පැවරී ඇති උපදේශක කමිටුවකට හිටපු මහා බැංකු අධිපතිවරයා මෑතකදී පත් කරන ලදී.
ආචාර්ය කුමාරස්වාමි මහතා යළි මහ බැංකු අධිපතිවරයා ලෙස පත් කිරීමට නව පරිපාලනය කටයුතු කර ඇති බව මෙම ආරංචි මාර්ග මේ වන විට තහවුරු කර තිබේ.
වත්මන් මහ බැංකු අධිපති ආචාර්ය නන්දලාල් වීරසිංහ මහතා රජයට සහය වීමට උපරිම උත්සාහයක් ගත්තද, නව පාලනයට වැඩි විශ්වසනීයත්වයක් සහ ස්ථාවරත්වයක් ගෙන එන්නේ ආචාර්ය කුමාරස්වාමි මහතා බව රජය සහ ජාත්‍යන්තර රාජ්‍ය තාන්ත්‍රිකයින් පෙන්වා දී ඇත.
පසුගිය රාජපක්ෂ රජය විකල්පයක් සෙවීමට අපොහොසත් වීමත් සමඟ මහා බැංකු අධිපතිවරයා ලෙස පත් වු ආචාර්ය වීරසිංහ දැන් පෙන්වා දී ඇත්තේ තමන් ආචාර්ය කුමාරස්වාමි වෙනුවෙන් ඉවත් වීමට කැමති නැති බවයි.
මහා බැංකු අධිපතිධුරයෙන් ඉවත් කිරීම වැළැක්වීම සඳහා ජනාධිපතිවරයාගේ සමීප හිතවතුන්ගේ සහය අචාර්ය නන්දලාල් විරසිංහ ලබාගෙන ඇති බවයි ආරංචිමාර්ග පවසන්නේ.
