සටහන – රුවන් නෙළුගොල්ල
කොළඹ පිටත වටරවුම් මාර්ගයේ කිලෝමීටර් 1.2 කණුව ආසන්නයේ ඇති ගුවන් පාලමෙන් අධිවේගී මාර්ගයට ඊයේ (24) රාත්‍රියේ වැටුණු තරුණයකු මරණයට පත්ව තිබේ.
ඊයේ රාත්‍රී 07.00 ට පමණ මෙම සිද්ධිය සිදුව ඇති අතර ඒ අවස්ථාවේදී අධිවේගී මාර්ගයේ මාතර දෙසට ගමන්ගත මෝටර් රථයක ද ඔහු ගැටී ඇති බව සඳහන්.
මෙහිදී බරපතළ තුවාල ලැබූ මෙම තරුණයා හෝමාගම මූලික රෝහලට ඇතුළත් කිරීමෙන් අනතුරුව මරුමුවට පත්ව ඇත.
මෙසේ මියගොස් ඇත්තේ අතුරුගිරිය ප්‍රදේශයේ පදිංචි 19 හැවිරිදි තරුණයෙකි.
කෙසේවෙතත් ඔහු ගුවන් පාලම මත සිට අධිවේගී මාර්ගයට පැන්නාද, නැතහොත් කිසිවකු විසින් ඔහුව පාලමෙන් පහළට තල්ලු කළාද යන්න පිළිබඳව පොලීසිය විමර්ශන සිදුකරමින් පවතී.
