අමාත්‍ය විජේදාස රාජපක්ෂ මහතා පෞද්ගලික මන්ත්‍රී යෝජනාවක් ලෙස පාර්ලමේන්තුවට ඉදිරිපත් කර තිබූ 21 වැනි සංශෝධන කෙටුම්පත ඉල්ලා අස් කරගෙන ඇති බව අද ශ්‍රේෂ්ඨාධිකරණයේදී අනාවරණය විය.
22 වැනි ආණ්ඩුක්‍රම ව්‍යවස්ථා සංශෝධන කෙටුම්පතට එරෙහිව ගොනුකර ඇති පෙත්සම් විභාගයට ගත් අවස්ථාවේදී නීතිපති දෙපාර්තමේන්තුව ශ්‍රේෂ්ඨාධිකරණයට දන්වා සිටියේ අදාල කෙටුම්පත ඉල්ලා අස් කර ගන්නා බව විජේදාස රාජපක්ෂ මහතා කතානායකවරයා වෙත දන්වා ඇති බවයි.
22 වැනි ව්‍යවස්ථා සංශෝධන කෙටුම්පතට එරෙහිව මෙම පෙත්සම් ගොනුකර තිබුණේ ජාතික සංවිධායක එකමුතුවේ කැඳවුම්කරු, ආචාර්ය ගුණදාස අමරසේකර මහතා සහ දේශප්‍රේමී ජාතික පෙරමුණේ නීතිඥ නුවන් බැල්ලන්තුඩාව මහතා විසිනි.
විජේදාස රාජපක්ෂ මහතා පෞද්ගලික මන්ත්‍රී යෝජනාවක් ලෙස පාර්ලිමේන්තු න්‍යාය පුස්තකයට ඇතුළත් කළ අදාල කෙටුම්පත හරහා විධායක ජනාධිපතිවරයා සතු බලතල කප්පාදු කිරීමට යෝජනා කර තිබිණි.
රනිල් වික්‍රමසිංහ ආණ්ඩුව මගින් තවත් 21 වැනි ව්‍යවස්ථා සංශෝධන කෙටුම්පතක් පසුගිය සඳුදා කැබිනට් මණ්ඩලයට ඉදිරිපත් කළ අතර එය ඉදිරිපත් කළේද විජේදාස රාජපක්ෂ මහතා විසිනි.
UN
