කොළඹ LNW:එක්සත් ජාතික පක්ෂයේ කොළඹ නගරාධිපති අපේක්ෂිකා රෝසි සේනානායක පළාත් පාලන කටයුතු පිළිබඳ ජනාධිපති උපදේශක ලෙස පත් කර තිබේ.
ඊට අදාළ පත්විම් ලිපිය ජනාධිපති ලේකම්වරයාගේ අත්සනින් මේ වන විට නිකුත් කර ඇති බව සඳහන්.
දැනට ප්‍රකාශිත පළාත් පාලන මැතිවරණයේ අපෙක්ෂිකාවක ලෙස ඉදිරිපත් වි සිටින රෝසි සේනානායක ජනාධිපති පළාත් පාලන කටයුතු උපදේශකවරිය ලෙස පත් කිරිම නිත්‍යානුකූල නොවන පත්වීමක් බව අද (26) විපක්ෂ නායක කාර්යාලයේ පැවති මාධ්‍ය හමුවේදී හිටපු පාර්ලිමේන්තු මන්ත්‍රී මුජිබර් රහුමාන් මහතා ප්‍රකාශ කරන ලදී.
රෝසි සේනානායක මහත්මිය අපේක්ෂිකාවක් ලෙස කොළඹ නගර සභාවට තරඟ කරන විට මෙම පත්වීම තුළ මැතිවරණ ව්‍යාපාරයට අනියම් ආකාරයේ බලපෑමක් කළ හැකි බවයි රහුමාන් මහතා පවුවේ.
මේ අතර පසුගියදා ඇය මෙතෙක් සංවිධායක ධූරය දැරූ බටහිර කොළඹ ආසනයේ නව සංවිධායක ලෙස සාගල රත්නායක මහතා පත් කර තිබේ.
ASK
