සටහන – රුවන් නෙළුගොල්ල
සම සෞඛ්ය උපාධිධාරීන් බඳවාගැනීමේ අර්බුදය, උසස් වීම් ගැටලු ඇතුළු ඉල්ලීම් පහක් මුල් කරගනිමින් පරිපූරක වෛද්ය සේවාවට අයත් රසායනාගාර විද්යාඥ සේවාවේ සහ භෞතික චිකිත්සක සේවාවේ නිලධාරීන් අද (මැයි 27) උදෑසන 08.00 ට සිට වැඩවර්ජනයක් ආරම්භ කිරීමට තීරණය කර තිබේ.
සිය ගැටලුවලට විසඳුම් ලබාදීමට බලධාරීන් පියවර නොගතහොත් වැඩවර්ජනය අඛණ්ඩව ක්රියාත්මක කරන බවයි පරිපූරක වෛද්ය වෘත්තීන්ගේ ඒකාබද්ධ බල මණ්ඩලයේ ප්රධාන ලේකම් චානක ධර්මවික්රම සඳහන් කළේ.
එමෙන්ම ඉදිරියේදී මෙම වැඩවර්ජනයට පරිපූරක වෛද්ය සේවාවේ තවත් වෘත්තීය සමිති ද සහාය පළකිරීමට තීරණය කර ඇති බවත් ලේකම්වරයා පැවසීය.
