කැබිනට් මණ්ඩලයට ඉදිරිපත් කර ඇති 21 වැනි ආණ්ඩුක්‍රම ව්‍යවස්ථා සංශෝධන කෙටුම්පත පිළිබඳ විශේෂ සාකච්ඡාවක් අද පැවැත්වෙනවා. ඒ්, අග්‍රාමාත්‍ය රනිල් වික්‍රමසිංහ මහතාගේ ප්‍රධානත්වයෙනි.
මෙම සාකච්ඡාව සඳහා පාර්ලිමේන්තුව නියෝජනය කරන සියලු පක්ෂවලට ආරාධනා කර තිබෙනවා. ව්‍යවස්ථා ප්‍රතිසංස්කරණ අමාත්‍ය විජේදාස රාජපක්ෂ මහතා පවසන්නේ මෙම සාකච්ඡාවේදී සංශෝධන කෙටුම්පතට අදාලව පක්ෂ නායකයන්ගේ අදහස් හා යෝජනා ලබා ගැනීමට බලාපොරොත්තු වන බවයි.
එසේ ලබා ගන්නා යෝජනා ලබන සතියේ කැබිනට් මණ්ඩලය වෙත ඉදිරිපත් කර ඒ පිළිබඳව තවදුරටත් සාකච්ඡා කිරීමට බලාපොරොත්තු වන බවත්, සාධනීය යෝජනා ඉදිරිපත් වන්නේ නම් ඒවා කෙටුම්පතට ඇතුළත් කිරීමට බලාපොරොත්තු වන බවත් ඇමතිවරයා පවසනවා.
විධායක ජනාධිපතිවරයා සතු බලතල සීමා කිරීම, ද්විත්ව පුරවැසියන්ට පාර්ලිමේන්තුවට තේරී පත්වීම අහිමි කිරීම, ස්වාධීන කොමිෂන් සභා ශක්තිමත් කිරීම ඇතුළු යෝජනා 21 වැනි සංශෝධනයට ඇතුළත් වේ.
UN
