මේ මොහොතේ මාසික විදුලි ගාස්තුවද වැඩි කිරීමේ අවශ්‍යතාවක් පවතින බව ලංකා විදුලි බල මණ්ඩලයේ විදුලි ඉංජිනේරු සංගමයේ සභාපති අනිල් රංජිත් මහතා පවසයි.
එසේ ගාස්තු වැඩි කිරීමකින් තොරව මෙම සේවාව පවත්වාගෙන යා නොහැකි බවයි සභාපතිවරයා පෙන්වාදෙන්නේ.
”විදුලි බිල කියන එක මේ මොහොතේ ඇත්තටම වැඩිකරන්න ඕනේ. මොකද දැන් කවුරු හරි තේ කඩයක් ගෙන ඉන්නවා නම් එයා රු.30කට නිෂ්පාදනය කරලා 20කට ඒක විකුණනවා නම් ඒ තේ කඩේ පැවැත්මක් වෙන්නේ නැහැ. අපෙත් වෙලා තියෙන්නේ ඒක තමයි. මේ දවස්වල අපි තෙල් වලින් නිෂ්පාදනය කරනවා නම් ඒකකයක් සාමාන්‍යයෙන් රු.80ක් සමහර ඒවා 100ක් 120ක් වෙන ඒවත් තියෙනවා. කෝල්වලින් නිෂ්පාදනය කරනවා නම් මේ දවස්වල කෝල් ප්‍රයිස් එකත් එක්ක ගත්තම රු.40ක් 45ක් විතර වෙනවා. හැබැයි අපි මේ යුනිට් එකක් විකුණන්නේ රු.16ක් 17 වගේ. එතකොට අපිට කවදාවත් මේ බිස්නස් එක කරගෙන යන්න බැහැ. ඒක නිසා පාඩුව අවසානයේ දරන්න වෙන්නේ ජනතාවටම තමයි. කවුරුහරි විදුලිය වැඩිපුර පාවිච්චි කරනවා නම් එයාගෙන් වැඩිපුර අයකරන්නම ඕනේ. ඒ සඳහා මේ විදුලි බිල කියන එක වැඩි කරන්න මේ මොහොතේ අවශ්‍යතාවක් තිබෙනවා.”
මේ අතර විදුලි බිල තුන්ගුණයකින් හෝ සිව් ගුණයකින් වැඩි විය හැකි බවට විෂයභාර අමාත්‍ය කාංචන විජේසේකර මාතාද පවසා තිබේ.
ASK
