සටහන – රුවන් නෙළුගොල්ල
එක්සත් ජාතික පක්ෂ මහලේකම් පාලිත රංගේ බණ්ඩාර මහතා ප්‍රකාශ කර ඇති පරිදි මැතිවරණ කල්දැමීම සඳහා ජනමත විචාරණයක් පැවැත්වීම පිළිබඳව පක්ෂය අභ්‍යන්තරයේ කිසිදු සාකච්ඡාවක් සිදුව නොමැති බව සබරගමු පළාත් ආණ්ඩුකාර නවීන් දිසානායක මහතා පවසයි.
“මම හිතන්නෙ නෑ ව්‍යවස්ථාව අනුව මැතිවරණ කල්දාන්න පුළුවන් කියලා. ඉතින් ඉස්සෙල්ලාම එන්නෙ ජනාධිපතිවරණය. ඒක තමයි පක්ෂය ඇතුළෙත් අභ්‍යන්තරයේ ගොඩක් කතා කරලා තියෙන්නෙ. ඉතින් මම හිතනවා ඒක තමයි ඉස්සෙල්ලාම එන්නෙ කියලා. ජනමත විචාරණයක් මම හිතන්නෙ නෑ සුදුසුයි කියලා. මොකද ඉස්සෙල්ලාත් ඔය 82 කළගෙඩි – ලාම්පු සෙල්ලම කියලා කියනවානෙ මිනිස්සු … මැතිවරණය කල්දාන එක හොඳ නෑ, ඒක පක්ෂයටත් හොඳ නෑ. මේක අපේ පක්ෂය ඇතුළෙ කතා කළේ නෑ කිසිසේත්ම. අභ්‍යන්තර සාකච්ඡාවක් තිබ්බෙ නෑ මේ ගැන. ඉතින් අපි නම් ලෑස්ති වෙන්නෙ ජනාධිපතිවරණයකට”
නවීන් දිසානායක මහතා මේ බව පැවසුවේ ඊයේ (28) රත්නපුර ප්‍රදේශයේදී මාධ්‍ය වෙත අදහස් දක්වමිනි.
