බ්රවුන්ස් ඉන්වෙස්ට්මන්ට්ස් පීඑල්සී සතුව තිබූ හැටන් නැෂනල් බැංකුවෙහි (HNB) 9.99% ක කොටස් ප්රමාණයක් කෝටිපති ව්යාපාරික නන්දන ලොකුවිතාන මහතාට අයත් සිලෝන් ස්ටීල් කෝපරේෂන් (ලංවා) විසින් අත්පත් කරගෙන තිබේ.
පෙරේදා (27) පෙරවරුවේ මෙම කොටස් ගනුදෙනුව සිදුවූ අතර මෙහි දී කොටසක් රු. 305.00 බැගින් ඡන්ද බලය හිමි සාමාන්ය කොටස් 45,317,177ක් ගනුදෙනු වී ඇති අතර එම ගනුදෙනුව හරහා රු. බිලියන 13.82 ක පිරිවැටුමක් වාර්තා වී තිබේ. මීට අමතර කොටසක් රු. 320 බැගින් වූ 319,405ක කොටස් ප්රමාණයක් ද එදින පස්වරුවේ, ගිවිසා ගනු ලැබූ ගනුදෙනු දෙකක් හරහා හුවමාරු වී තිබුණි.
මෙම ගනුදෙනුව මෑත කාලයේ කොළඹ කොටස් වෙළඳපොල තුළ සිදු වූ විශාලතම ගනුදෙනු අතරින් එකක් ලෙස සනිටුහන් වෙයි.
හැටන් නැෂනල් බැංකුවේ ඡන්ද බලය හිමි කොටස්කරුවන්ගේ ලැයිස්තුවේ අංක එක හිමිව තිබුණේ එහි කොටස් ප්රාග්ධනයෙන් 9.99%කට හිමිකම් කියූ බ්රවුන්ස් ඉන්වෙස්ට්මන්ට්ස් පීඑල්සී වෙතයි. එහි හිමිකරු වන්නේ මෙරට තවත් ප්රමුඛතම ව්යාපාරිකයකු වන ඉෂාර නානායක්කාර මහතා ය.
