”ගෝඨා ගෝ ගම” අරගල භූමියේ ඉදිරිපෙළ ක්‍රියාකාරිකයෙකු වන සමාජ මාධ්‍ය ක්‍රියාකාරිකයෙකු ලෙස රට තුළ ප්‍රසිද්ධ රැට්ටා හෙවත් රතිදු සේනාරත්න කොම්පඤ්ඤ වීදිය පොලීසිය විසින් අත්අඩංගුවට ගෙන තිබේ.
කොම්පඤ්ඤ වීදිය පොලීසියට අනුබද්ධ කොළඹ මධ්‍යම අපරාධ විමර්ශන කොට්ඨාසය මගිනුයි ඔහුව අත්අඩංගුවට ගෙන ඇත්තේ.
පසුගිය 25 වන දා කොටුව මහේස්ත්‍රාත් අධිකරණය ඉදිරිපිටදී අධිකරණ කටයුතුවලට බාධා කිරීම,අධිකරණය පැමිණෙන පුද්ගලයින්ට,පොලිස් නිලධාරීන්ගේ කටයුතුවලට බාධා කිරීම ඇතුළු චෝදනා යටතේ ඔහු අත්අඩංගුවට ගෙන ඇති බව සඳහන්.
අදාළ සිද්ධිය සම්බන්ධයෙන් ප්‍රකාශයක් ලබා දීම සඳහා අද (30) පස්වරුවේ ඔහු කොම්පඤ්ඤ වීදිය පොලිසියට පැමිණ ඇති අතර ප්‍රකාශය ගැනීමෙන් අනතුරුව ඔහුව අත්අඩංගුවට ගෙන ඇත.
හෙට ( 31) දින ඔහුව කොළඹ කොටුව මහේස්ත්‍රාත් අධිකරණය වෙත ඉදිරිපත් කිරීමට නියමිත බවයි පොලිස් මාධ්‍ය ප්‍රකාශකවරයා සඳහන් කරන්නේ.
ASK
