කොළඹ LNW:විවිධ නඩු කටයුතු මුවාවෙන් චීනයේ හොංකොං විශේෂ පරිපාලන කලාපයේ නීතිමය යහපැවැත්මට බාධා කිරීමට සම්බන්ධයෙන් චීනය සිය විරෝධය පළ කරයි.
සුළුතර බටහිර රටවල් හොංකොං හි ‘35+’ නීත්‍යනුකූල නොවන මූලික ඡන්ද විමසීමේ නඩුවේ ප්‍රතිඵලය පිළිබඳව විවේචනාත්මක අයුරින් දැක්වූ අදහස්වලට ප්‍රතිචාර දක්වමින් චීන විදේශ අමාත්‍යංශ ප්‍රකාශිකා Mao Ning මහත්මිය ඊයේ(30) පැවති මාධ්‍ය හමුවේදී මේ බව පැවසුවාය.
හොංකොං විශේෂ පරිපාලන කලාපය නීතිමය සමාජයක් ලෙසට ක්‍රියාත්මක වන බව ඇය සඳහන් කරන ලදී.
කවුරුන් හෝ නීතියට එරෙහිව ක්‍රියා කළහොත් දඬුවම්වලට ලක් කෙරෙනු ඇත. හොංකොං හි නීතිමය හා අධිකරණ ආයතන සිය වගකීම් හා යුතුකම් සිදු කරමින් ජාතිකාරක්ෂාවට අනිසි බලපෑම් එල්ල කරන කවර ආකාරය‍ක හෝ ක්‍රියාවන්ට එරෙහිව නීත්‍යනුකූලව ක්‍රියා කිරීමට චීන මධ්‍යම රජය තරයේ සහාය වන බව ද චීන විදේශ අමාත්‍යංශ ප්‍රකාශිකාව වැඩිදුරටත් සඳහන් කළාය.
දිනූෂි ධීරසිංහ
