විවිධ තරාතිරම්වල හිටපු දේශපාලනඥයින් සහ ඔවුන්ගේ ඥාතීන් 20කට ආසන්න පිරිසක් නුදුරේදීම අත් අඩංගුවට ගැනීමට නියමිත බව ආරංචිමාර්ග සඳහන්.
අල්ලස්, දූෂණ සහ අයථා වත්කම් ඉපයීම් සම්බන්ධයෙන් මොවුන්ව අත් අඩංගුවට ගැනීමට නියමිත බව සඳහන්.
මේ දිනවල ඔවුන් පිළිබඳ විමර්ශන කටයුතු සිදුකෙරෙමින් පවතින අතර ඔවුන් අතරින් කිහිප දෙනෙකු පසුගිය දිනවල අල්ලස් කොමිසම හමුවට කැඳවා ප්‍රශ්න කර ඇති බවත් තවත් පිරිසකට ඉදිරි දිනවල එම කොමිසම හමුවේ පෙනී සිටින ලෙස දැනුම් දී ඇති බවත් ආරංචිමාර්ග වැඩිදුරටත් ප්‍රකාශ කළේය.
