සටහන: සශිකලා මධුෂාණි,ජුනි 02,
ලෝකය(අවුට්බවුන්ඩ් ටුඩේ) : සති හතාක් පුරා සංවිධානය කළ දැවැන්ත ඉන්දීය මහා මැතිවරණයේ අවසන් දිනයේදී අධික උෂ්ණත්වය හේතුවෙන් තාප ආඝාතය වීම නිසා උත්තර් ප්‍රදේශ් ප්‍රාන්තයේ ජන්ද පොළ නිලධාරීන් 33 දෙනෙකු මියගොස් ඇති බව එරට මාධ්‍ය වාර්තා කර තිබේ.
මියගිය අයගේ පවුල්වලට රුපියල් මිලියන 1.5 ක [ඩොලර් 18,000] මුදල් වන්දියක් ලබා දෙනු ඇති බව රජය නිවේදනය කර තිබු අතර ඉන්දියාවේ කාලගුණ විද්‍යා දෙපාර්තමේන්තුව (IMD) පැවසුවේ සෙනසුරාදා ජන්සි නගරයේ උෂ්ණත්වය සෙල්සියස් අංශක 46.9 (116F) දක්වා ළඟා වූ බවයි.
ග්‍රීෂ්ම ඍතුවේ උෂ්ණත්වය අධික වීම ඉන්දියාවට අමුත්තක් නො වන මුත්, ඉන්දීය මාධ්‍ය වාර්තා පැවසුවේ සෙනසුරාදා බැලියා හි තාප දර්ශකය 61C දක්වා භයානක ලෙස ඉහළ ගිය බවයි. බොහෝ ස්ථානවල සෙල්සියස් අංශක 45 (ෆැරන්හයිට් අංශක 113) ට වඩා වැඩි උෂ්ණත්වයක් සහිතව දැඩි තාප තරංගයෙන් බහුවිධ මරණ වාර්තා වී ඇත.
මිට අමතරව, හින්දුස්ථාන් ටයිම්ස් පුවත්පතට අනුව ඊයේ(01) දිනයේ බිහාර්, නැගෙනහිර ඔඩීෂා සහ මධ්‍යම මධ්‍ය ප්‍රදේශ් ප්‍රාන්තවල වල හිරුඑළියට නිරාවරණය වීම හෙතුවෙන් පුද්ගලයින් 58 දෙනෙකු මියගොස් තිබේ.
