රෂිකා හෙන්නායක ජුනි 03, කොළඹ LNW :
2024 වසරේ ජනවාරි 10වැනිදා පොලිස් විශේෂ කාර්ය බලකා නිලධාරීන් ලෙස පෙනී සිටිමින් පුද්ගලයෙක් රැගෙන ගොස් ඝාතනය කිරිමේ සිද්ධියක් සම්බන්ධයෙන් පුද්ගලයෙක් අත්අඩංගුවට ගෙන තිබේ.
කොරතොට ප්‍රදේශයේ පදිංචිව සිටි වයස අවුරුදු 34 පුද්ගලයෙක් මෙලෙස ඝාතනය කර ඇති බව වාර්තා වේ. සිද්ධියට අදාළ සැකකරු ඩුබායි රටට පලා ගොස් ඇති බව, පොලිස් විමර්ශනවලදී හෙළිවී ඇත.
ඒ අනුව, සැකකරු සම්බන්ධයෙන් ආගමන විගමන පාලකවරයාට ලබා දී තිබූ අධිකරණ නියෝගයක් අනුව නැවත පැමිණීමේදී ගුවන්තොටුපොළ පර්යන්තයේදී අදාළ සැකකාර පුද්ගලයා හඳුනාගෙන අත්අඩංගුවට ගෙන තිබෙන අතර, සිද්ධිය සම්බන්ධයෙන් බස්නාහිර පළාත දකුණ අපරාධ කොට්ඨාසය මගින් විමර්ශන ක්‍රියාත්මක කර ඇති බව වාර්තා වේ.
