අද වනවිට රටේ නිර්මාණය වී ඇති ආහාර අර්බුදය අනුව වගා සංග්‍රාමයක් සඳහා රටේ ලක්ෂ 220ක ජනතාවගෙන්ම ඉල්ලීමක් කරන බව විපක්ෂ නායක සජිත් ප්‍රේමදාස මහතා පවසයි.
ඒ සඳහා සමගි ජන බලවේගය ශක්තිය ලබාදෙන බවයි ඒ මහතා අවධාරණය කළේ.
රජයේ මුදල් පසුම්බිය අද හිස් බවත්, අද ඇත්තේ බංකොලොත් ආණ්ඩුවක් සහ බංකොලොත් රටක් බවත් කී විපක්ෂ නායකවරයා, ආණ්ඩුව බංකොලොත් වුවත් විපක්ෂය රට වෙනුවෙන් කැපවෙන බවත් සඳහන් කළේය.
විපක්ෂ නායක සජිත් ප්‍රේමදාස මහතා මේ බව පැවසුවේ බස්නාහිර පළාතේ අවිස්සාවේල්ල, වග, ශ්‍රී රතනසාර මහා විද්‍යාලයට රුපියල් අට ලක්ෂ හතලිස් හයදහසක් (රු. 846,000) වටිනා සුහුරු පන්තිකාමර සඳහා ඩිජිටල් පරිගණක තිර සහ පරිගණක උපකරණ පරිත්‍යාග කිරීමේ අවස්ථාවට ඊයේ (03) එක්වෙමිනි.
RN
