කොළඹ LNW:HDFC බැංකුව අනතුරුදායක තත්ත්වයකට ඇද දැමීමට විරෝධය පළකරමින් අද (05) ශ්රී ලංකා මහ බැංකුව ඉදිරිපිටදී උද්ඝෝෂණයක් සංවිධානය කර තිබුණි.
ශ්රී ලංකා මහ බැංකුව විසින් අහේතුක සහ අසාධාරණ ලෙස HDFC බැංකුවේ ව්යාපාර සීමා කිරීම තුළ මේ වනවිට උද්ගතව පවතින හා අනාගතයේ දී උද්ගතවිය හැකි ගැටලු සම්බන්ධව සාකච්ඡා කිරීම සඳහා ජනාධිපතිවරයා ප්රමුඛ මුදල් අමාත්යාංශ නිලධාරීන් සහ මහ බැංකු අධිපති වෙතින් කරන ලද සියලු ඉල්ලීම් එම වගකිවයුතු බලධාරින් විසින් නොසලකා හැර ඇති බවයි විරෝධතාකරුවන් අවධාරණය කළේ.
ලංකා බැංකු සේවක සංගමය විසින් මෙම උද්ඝෝෂණය සංවිධානය කර තිබුණු අතර ඔවුන් බලධාරීන්ට අවධාරණය කළේ HDFC බැංකුවේ පවතින අනතුරුදායක තත්ත්වය සමනය කර ගැනීම වෙනුවෙන් වහාම මැදිහත්විය යුතු වන බවයි.
ජායාරූප – අජිත් සෙනෙවිරත්න
