රෂිකා හෙන්නායක ජුනි 05, කොළඹ LNW :
පසුගිය දින කිහිපය පුරා, වර්ෂාවෙන් හානි වූ වගාවන් සඳහා හෙක්ටයාරයකට රුපියල් ලක්ෂයක උපරිමයක් දක්වා වන්දි මුදල් ලබාදෙන බව, කෘෂිකාර්මික හා ගොවිජන රක්ෂණ මණ්ඩලය පවසයි.
වගා හානි තක්සේරුව මේ වන විට සිදු කෙරෙන බව, එහි සභාපති පේමසිරි ජාසිංආරච්චි මහතා සඳහන් කළේය.ඒ සදහා විශේෂ කණ්ඩායම් යොදවා ඇතැයි ද, ඔහු සඳහන් කළේ ය.
1918 අංකය අමතා, කෘෂිකාර්මික හා ගොවිජන රක්ෂණ මණ්ඩලයට වගා හානි පිළිබඳ තොරතුරු දැනුම් දිය හැකි බවද සඳහන් වේ.
