එක අතකින් රට දිනෙන් දින ප්රපාතයට ඇදවැටෙන අතර රට පුරා ඝාතන සංස්කෘතියක් ආරම්භ වී ඇතැයි විපක්ෂ සජිත් ප්රේමදාස මහතා පවසයි.
මහදවල් මහපාරේ මිනිසුන් ඝාතනය කෙරෙන යුගයක් නිර්මාණය වී ඇතැයි පෙන්වාදුන් ඒ මහතා ජනාධිපතිවරයා පොරොන්දු වූ ජාතික ආරක්ෂාව මෙයදැයි ප්රශ්න කළේය.
ඇතැම් බරපතළ නඩුවල සාක්ෂිකරුවන් ද මෙලෙස ඝාතනය වෙමින් තිබෙන බව පැවසූ විපක්ෂ නායකවරයා ජාතික ආරක්ෂාව අද කොහේදැයි අසන්නට සිදුව ඇති බවද පැවසීය.
ආණ්ඩුවක පරම යුතුකම ජනතාව ජීවත් කරවීම බවත් ඒ මහතා සිහිපත් කළේය.
විපක්ෂ නායක සජිත් ප්රේමදාස මහතා මේ බව පැවසුවේ ඊයේ (04) පැවති රැස්වීමක් අමතමිනි.
RN
