ආශිකා බ්‍රාහ්මණ
කොළඹ LNW: කුමන බාධාව පැමිණියද පාස්කු ඉරු දින ත්‍රස්ත ප්‍රහාරය සම්බන්ධයෙන් වන විමර්ශන නොනවත්වා ඉදිරියට ගෙන යන ලෙස කතෝලික සභාව රජයෙන් ඉල්ලා සිටියි.
අද (08) කොළඹදී මාධ්‍ය හමුවක් පවත්වමින් කතෝලික සභාව වෙනුවෙන් අගරදගුරු පදවියේ මාධ්‍ය ප්‍රකාශක සිරිල් ගාමිණී පියතුමා අවධාරණය කළේ කිසි ලෙසකින්වත් පාස්කු ප්‍රහාරයට අදාළ විමර්ශන අඩාල විය යුතු නැති බවයි.
එම විමර්ශනවලට යම්කිසි අයුරකින් හෝ බාධාවක් කරන්නේ නම් එය වින්දිතයින්ට කරන අසාධාරණයක් බවයි පියතුමා පෙන්වා දුන්නේ.
කුමන ආකරයක අපරධයක් වුවද එම අපරාධකරුවන් නීතිය ඉදිරියට ගෙන ඒම අවශ්‍යම කටයුත්තක් බවද සිරිල් ගාමිණි පියතුමා ප්‍රකාශ කළේය.
