සටහන – රුවන් නෙළුගොල්ල
හිටපු නියෝජ්‍ය අමාත්‍ය සරණ ගුණවර්ධනට එරෙහිව අල්ලස් හෝ දූෂණ චෝදනා විමර්ශන කොමිසම විසින් ගොනු කර ඇති නඩු හතරක තීන්දු අද (09) දිනයේ ප්‍රකාශයට පත්කිරීමට නියමිතව තිබේ.
එම නඩු හතරේ තීන්දු පසුගිය මැයි 26 වනදා ප්‍රකාශයට පත්කිරීමට නියමිතව තිබුණත් එදින නඩු කැඳවූ අවස්ථාවේදී කොළඹ මහාධිකරණ විනිසුරු මොහොමඩ් මිහායිල් මහතා පැවසුවේ එම තීන්දු ජුනි 09 වනදා ප්‍රකාශයට පත් කරන බවයි.
2006 වසරේ ජාතික ලොතරැයි මණ්ඩලයේ සභාපතිවරයා වශයෙන් කටයුතු කරමින් සිටියදී එම මණ්ඩලයට කුලී පදනම යටතේ වාහන ලබා ගැනීමේදී රජයට පාඩු සිදු කළ බවට චෝදනා කරමින් අල්ලස් කොමිසම විසින් සරණ ගුණවර්ධනට එරෙහිව මෙම නඩු හතර ගොනු කර ඇත.
