කොළඹ LNW: ඔස්ට්‍රියානු ගුවන් සේවයට අයත් ගුවන් යානයක් පියාසර කරමින් තිබියදී හිම කුණාටුවකට හසුව දැඩි ලෙස අලාභහානි සිදුව තිබෙන ආකාරය විදෙස් මාධ්‍ය වාර්තා කර තිබේ.
දැඩි හිම කුණාටුවකදී වායුගෝලයේ සිදුවන වෙනස්කම් හේතුවෙන් ගුවන් යානයකට අනතුරු දායක බවයි ඒ සම්බන්ධයෙන් විශේෂඥයින් පවසා ඇත්තේ.
අවදානමකට ලක්වූ එම ගුවන් යානය මගීන් 173ක් හා කාර්ය මණ්ඩලයේ 6 දෙනෙකු සමඟින් පියාසර කර ඇත්තේ ස්පාඤ්ඤයේ Palma de Mallorca සිට ඔස්ට්‍රියාවේ Vienna දක්වාය.
ගුවන් ගමන අතරතුර ඇති වූ මෙම අනතුරුදායක තත්ත්වය ගැන ගුවන් යානය විසින් පණිවිඩ ලබා දී තිබෙන බවත් කෙසේහෝ ආරක්ෂිතව ඔස්ට්‍රියාවේ Vienna වෙත ගොඩබෑමට ගුවන් යානයට හැකිව තිබෙන බවත් විදෙස් වාර්තා පෙන්වා දෙයි.
එම හිම කුණාටුවෙන් ගුවන් යානයේ ඉදිරිපස කොටසට ගුවන් නියමු කුටියේ ඉහළ කොටසට හානි සිදුව තිබෙන අතර ගුවන් යානයේ වීදුරු ද ඉරිතලා තිබේ.
ආශිකා බ්‍රාහ්මණ
