සටහන: සශිකලා මධුෂාණි
ජුනි 10; ලෝකය(අවුට්බවුන්ඩ් ටුඩේ): දකුණු කේරළ ප්රාන්තයේ වෙරළට ආසන්නව සිංගප්පූරු ධජය සහිත භාණ්ඩ ප්රවාහන නෞකාවක ඇති වූ ගින්නක් මැඩපැවැත්වීම සඳහා ඉන්දීය වෙරළාරක්ෂක බලකාය අඛණ්ඩව උත්සාහ කරමින් සිටින බව වාර්තා වේ.
ශ්රී ලංකාවේ කොළඹ සිට ඉන්දියාවේ මුම්බායි නගරය බලා යමින් තිබූ MV Wan Hai 503 නෞකාවේ ඊයේ(09)දිනයේදී අභ්යන්තර බහාලුම් පිපිරීමක් වාර්තා වූ අතර එහි ප්රතිඵලයක් ලෙස යානයේ විශාල ගින්නක් ඇති විය.
සිංගප්පූරු සමුද්රීය හා වරාය අධිකාරිය (MPA) ප්රකාශ කර තිබුණේ, කාර්ය මණ්ඩල සාමාජිකයින් දහඅට දෙනෙකු බේරාගෙන ඇති අතර, සිව් දෙනෙකු තවමත් අතුරුදහන් වී ඇති බවත්ය.
කේරළ වෙරළ ආසන්නයේ සති තුනක් ඇතුලත දෙවන සිදුවීම මෙය වන අතර කේරළ වරාය අමාත්ය වී.එන්. වාසවන් පැවසුවේ නෞකාවේ බහාලුම් 50 ක් මුහුදට වැටී ඇති බවත් තෙල් ටොන් 100ක් රැගෙන යමින් සිටි බවත්ය.
