කොළඹ LNW: ඒකාබද්ධ තැපැල් වෘත්තිය සමිති පෙරමුණ විසින් සංකේතාත්මක වැඩවර්ජනයක් කැඳවීමට තීරණය කර තිබේ.
ඒ අනුව හෙට (12) මධ්යම රාත්රී 12 සිට 13 වනදා මධ්යම රාත්රී 12 වනතෙක් ලෙඩ නිවාඩු වාර්තා කර වෘත්තිය ක්රියාමාර්ගයක නියැලීමටයි එම වෘත්තීය සමිති පෙරමුණ තීරණය කර ඇත්තේ.
එම වැඩවර්ජනයට අනුව එළඹෙන 13 වැනිදින දිවයින පුරා පිහිටි තැපැල් කාර්යාල වසා දැමෙන බව ඒකාබද්ධ තැපැල් වෘත්තිය සමිති පෙරමුණේ කැඳවුම්කරු චින්තක බණ්ඩාර මහතා පවසයි.
තැපැල් දෙපාර්තමේන්තුවේ 2000ක පමණ සේවක හිඟයක් පවතින අතර වසර හතරක සිට උසස් වීම් සහ සේවක බඳවා ගැනීම් සිදුනොවන බවද බණ්ඩාර මහතා කියාසිටියි.
පවතින පුරප්පාඩු පිරවීමට රජය කටයුතු නොකිරීම නිසා දැනට සේවයේ නියුතු සේවකයින්ට රාජකාරී කිරීමේදී දැඩි පරිශ්රමයක් දැරීමට සිදුව තිබෙන බවත් අත්යවශ්ය සේවා නිසි ලෙස ලබා දීමට නොහැකි වී තිබෙන බවත් ඔහු තවදුරටත් සඳහන් කරයි.
ඒ අනුව තැපෑල මුහුණ දී සිටින මෙම අර්බුදකාරී තත්ත්වය වහා විසඳන ලෙස බලකරමිනුයි එම වැඩවර්ජනය ක්රියාත්මක වන්නේ.
ආශිකා බ්රාහ්මණ
![](https://sinhala.lankanewsweb.net/wp-content/uploads/2024/06/LNW-Newsroom-ad-at-the-bottom-Sin-78-1024x137.png)