කොළඹ LNW:නීතිපති සංජය රාජරත්නම් මහතා වෙත සේවා දිගුවක් ලබා දීම සම්බන්ධයෙන් ජනාධිපතිවරයා ගෙන තීරණය අනුමත කරනවාද නැද්ද යන්න තීරණය කිරීමට ආණ්ඩුක්‍රම ව්‍යවස්ථා සභාව තවදුරටත් කල් ගෙන තිබේ.
ඒ සම්බන්ධයෙන් වන නීතිමය තත්ත්වයන් තවදුරටත් පැහැදිලිකරගත යුතුව තිබෙන බවයි ව්‍යවස්ථාදායක සභාවේ ප්‍රධානී කථානායක මහින්ද යාපා අබේවර්ධන මහතා පවසන්නේ.
පවතින නීතිමය තත්ත්වයන් පැහැදිලි කරගෙන ලබන සඳුදා දිනයේදීත් ව්‍යවස්ථාදායක සභාව යළි රැස්වීමට නියමිතයි.
එළඹෙන 26 වැනිදා නීතිපති සංජය රාජරත්නම් මහතා විශ්‍රාම යාමට නියමිත අතර ඔහුට තවත් මාස 06ක සේවා දිගුවක් ලබා දීමට ජනාධිපතිවරයා තීරණය කර තිබේ.
ආශිකා බ්‍රාහ්මණ
