මෙගා වොට් 500ක විදුලි ව්‍යාපෘතියක් ඉන්දියාවේ අදානි සමාගමට ලබා දීම ගැන ලංකා විදුලි බල මණ්ඩලයේ සභාපතිවරයා පසුගියදා කෝප් කමිටුව හමුවේ කළ ප්‍රකාශය ඉල්ලා අස්කර ගන්නා බව පසුව දැනුම් දුන්නද එය නීත්‍යානුකූල නැතැයි සමඟි ජන බලවේගයේ පාර්ලිමේන්තු මන්ත්‍රී එස්.එම්.මරික්කාර් මහතා අද (12) මාධ්‍ය වෙත අදහස් දක්වමින් පැවසුවේය.
කෝප් කමිටු සාමාජිකයෙක් ලෙස තමන් පවසන්නේ ලංවිම සභාපතිවරයා එම ප්‍රකාශය නීත්‍යානුකූලව ලබා දී අවසන් බව මන්ත්‍රීවරයා සඳහන් කළේය.
ජනාධිපතිවරයාගේ ඉල්ලීම මත එය සිදුකළ බවට මුදල් අමාත්‍යාංශ ලේකම් වෙත දැනුම් දුන් බව ලංවිම සභාපතිවරයා ඒ මොහොතේ පැවසූ බවයි මරික්කාර් මහතා කියාසිටියේ.
සංශෝධිත විදුලි බල පනත සම්මත කර ගෙන දින දෙකක් ගත වීමට පෙර එය දූෂණයට පාර කපන්නක් බව පෙන්වා හමාර බව ද හෙතෙම අවධාරණය කරන ලදී.
ASK
